Dus gaan deel ek een van die idees met vier verskillende mense. Ek toets die idees en gaan doen die tegniese huiswerk om dit moontlik te maak. My plan is goed. Die eerste person praat baie, en uiteindelik wanneer dit kom by die pen en papier, verdwyn die person. Die tweede person deel ek die idee mee omdat ek dink dat die person dit sal kry en miskien kan help om die idee te ontwikkel. Goeie plan, geen bybedoelings. Die derde persoon sien die moontlikheid van die idee, en is eintlik baie opgewonde. Hy sal kyk na moontlike idees vir befondsing van die konsep, en miskien kom iets daaruit. Die vierde persoon maak my sinne klaar wanneer ek die idee verduidelik en dit is duidelik dat dit nie net my idee is nie, maar iets waaroor daar ‘n gedeelde passie is. Daar is klaar ‘n week later ‘n moontlike belegger op die tafel, die besigheidsplannetjie wat ek opgetrek het is al reeds bestudeer en kommentaar op ontwikkel.

Daar is verskeie punte wat ek wil maak.

1. Goeie idees is soos ‘n blomme – jy moet dit ‘n bietjie lig en lug gee vir dit om te ontwikkel

2. Dit is nie te se dat omdat mense goeie idees steel, jy nie moet aanhou om idees te ontwikkel en met mense te deel nie.

3. Elke persoon met wie jy praat gaan nie die konsep tot sy reg laat kom nie. Daar is baie mense wat praat, maar min mense wat die bronne en motivering het om iemand met idees te help

4. Uiteindelik kom mens uit by iemand uit wat wat jy se verstaan en ook die wil en motivering het om te help.

5. As iemand jou idees steel is dit nie die einde van die wereld nie. Dit gee jou die kans om aan ander nuwe idees te werk.

As iemand met wie ek die idee gedeel het dit gebruik vir hule eie gewin, gaan ek nie my polse afkou nie – ek het nog baie waar daardie vandaan kom. Miskien is dit belangriker om aan die verbeelding te werk waar goeie idees uitkom eerder as om te mor oor dit wat ander mense benut het. As ek die kanse kon benut, was dit my kanse wat besigheid geword het en uiteindelik vir my iets beteken het. Intelligensie en kreatiwiteit is ‘n bodemlose put waaruit nuwe idees voortspring... as jy aanhou om dit te gebruik. As ek ophou om dit te ontwikkel omdat ek elke keer bang is dat iemand aanders daaruit voordeel gaan put, maak ek die kreatiwiteit saam met die idee dood.

So gaan my idee waarmee ek besig is van my ‘n ryk, suksesvolle persoon maak? Miskien, miskien nie. Soms is dit in my hande en soms nie. Sorry – ek gaan nie kla daaroor nie, want more skyn die son en kan ek miskien daai vennote kry wat dit maak werk... of nie. Dan bou ek weer die volgende idee wat ek kan lewe inblaas... of nie.

Gaan ek ooit weer igeloop word omdat ek idees wat ehet met ander mense deel? Verseker, maar dit is okei. Hulle moet met hulself saamlewe. Ek het nog baie waar die vandaan kom.

Tot Kyk

-Gideon-