Verlede Saterdag het ek dan weer by Riku en Dorette deurgebring op die plaas. Die bedoeling was om die dromme vir die nuwe cd op te neem en dus is ek en Shannon vroeg op Saterdagoggend hier weg met die bakkie en ‘n sleepwa met twee dromstelle in om te gaan opneem. Helaas is ons toe so ‘n bietji egekortwiek deur ons geliefde kragvoorsieningsmaatskappy. Met komplimente van ESKOM was die krag af van so half tien die oggend tot half ses die aand. Ons het die beste van die dag gemaak en op die stoep gesit en jam, ‘n bietjie krieket gespeel en sommer maar net oor die algemeen musiek en nonsense gepraat. Ons het die aand darem so drie liedjies gedoen gekry, maar ons gaan die 10e Oktober weer terug om verder te werk aan die produksie. Ek het ‘n nuwe liedjie wat ek ook oorweeg om op ne neem op die cd, en ek dink hy gaan die “sweet spot” van die algemene Afrikaanse mark kan tref. As ons uitendelik net genoeg promosie kan maak vir die projek. Ons begin al reeds die bemarking beplan en ook werk aan ‘n strategie om Murg die middelpunt van die mark te maak. Dit is tyd dat goeie musiek weer die Afrikaanse mark begin terugvat. Ek hoop dat Murg ‘n deel daarvan kan wees.

Die res van die week was maar gemiddeld tot matig. Ons het kwartaaleinde by die werk en met die mark so moeilik is soos dit op die oomblik is, bring dit baie spanning mee vir my en my kollega’s.  Woensdagaand het ons by die Liedjieboer gespeel en vrydagaand weer. Vrydagaand was spesiaal. Ons was een van drie bands wat by die liedjieboer gespeel het, en eerlik gesproke was dit vir my een van die lekkerste gig swat ek in ‘n lang tyd gedoen het. Liedjieboer was nie te vol nie, en oof nie te leeg nie. Die mense het deelgeneem aan die musiek en het hulself geniet. Daar is niks so lekker vir ‘n band soos wanneer daar interaksie is nie. Ons het kans gehad om die nuwe song te doen wat ek geskryf het en net twee woorde – dit werk.

Volgende Woensdagaand beplan ons ‘n proeflopie van die Chris de Burgh show waaraan ek al geruime tyd dink. Tot dan het ons nog heelwat repetisies om in te pas, en nog baie werk. Ons beplan dit eenvoudig – David en ek op vox en dan net akoestiese kitaar by. Dit is soos Chrs de Burgh destyds begin toer het, so daar is geen rede waarom ons nie die eerste episodes van die show so kan begin nie. Eh hoop om julle by die Liedjieboer te sien op die 30e September vir die eerst eepisode – intiem, akoesties en julle is welkom om saam te sing op die goed wat julle ken.

'n Ander ding wat gebeur het in die van Zyl huis is dat ons 'n nuwe baba'tjie bygekry het. Dit is nogal kompleks. Ons het onlangs besluit om Lucy (ons Jack Russel)in die huis te laat bly. Dit gaan gedeetelik oor sekuriteit, en gedeeltelik dat Chaina (ons Husky) haar so domineer dat sy nie regtig meer tot reg kom nie. Nou is Shaina natuurlik verveeld, en sy het besluit dat sy as deel van haar persoonlike vermaak-program al wat 'n voel is ind ie tuin gaan vang. In een dag het sy 'n Indian Minah, 'n Hadida en 'n Lemoenduifie in die slag gebly. Die duifie het gebroei in ons agtertuin en die arme klein baba wees gelaat. Susan het haar onferm oor die baba en die klein dingetjie word nou gevoer met Pro Nutro. Vyf dae later en die duifie gaan van krag tot krag. Die voerdery is 'n spanpoging en die ou dingetjie is te ougat. Gister het ons voor gebraai en die duifie kans gegee om op die gras rond te loop. Sy het dit regtig geniet!!. 

Tot Kyk

-Gideon-